Senda fyrirspurn

Thank you! Your submission has been received!
Oops! Something went wrong while submitting the form.
INNSKRÁ
5.200 kr. /man
LOKA

SPURT OG SVARAÐ

Thank you! Your submission has been received!
Oops! Something went wrong while submitting the form.

Hvernig fara útköll fram, þ.e. hvenær fer Securitas á staðinn og hvenær þarf notandinn sjálfur að bregðast við?

Securitas bregst við öllum öryggisboðum eins og í öðrum öryggiskerfum. Ef kerfið sendir frá sér bruna-, vatns- gasleka- eða innbrotaboð þá er umsvifalaust haft samband við slökkvilið, lögreglu og/eða þann viðbragðsaðila í nágrenninu sem gefinn er upp vegna sumarhússins. Einnig er haft samband við tengilið(i). Tengiliður getur (t.d. eftir að hafa kannað stöðu kerfis í símanum símanum sínum) afturkallað útkall eða staðfest ástand og þannig einfaldað aðkomu þriðja aðila að málunum.

Hvernig standa öryggismál og dulkóðun í kerfinu?

Kerfið frá Alarm.com er með bestu öryggisstaðla sem boðið er upp á vegna slíkra kerfa. Um 6 milljónir heimila í Evrópu og Ameríku nota kerfið daglega.

Hvað gerist ef ég týni símanum?

Appið, líkt og bankaöpp og fleiri slík sem vinna með viðkvæmar fjárhagslegar eða persónulegar upplýsingar, er varið með kóða eins og venjulegt öryggiskerfi. Þó að notandi týni símanum þá getur annar notandi ekki komist inn í kerfið.

Hverjir geta séð myndefni sem er á myndavélunum, upptökur og „lifandi“ mynd?

Eingöngu viðskiptavinurinn / notandinn hefur aðgang að myndvélunum. Hann stjórnar því hvenær þær eru virkar, hvenær og hvernig þær taka upp og hverjir geta skoðað. Undir engum kringumstæðum getur starfsfólk Securitas farið inn á myndavélar án leyfis notanda.

Hversu margir notendur geta verið skráðir í kerfinu og kostar hver notandi eitthvað aukalega?

Hægt er að gefa eins mörgum fjölskyldumeðlimum aðgang að kerfinu og þurfa þykir. Það kostar ekkert aukalega því aðeins er eitt gjald fyrir hvern stað. Hægt er að veita tímabundinn aðgang eða fullan og ótakmarkaðan, allt eftir óskum þess sem skráður er fyrir kerfinu.

Hvaða snjalltæki virka með Sumarhúsavörn+? Virka eldri gerðir af símum?

Apple snjalltæki þurfa að hafa iOS 8.0 stýrikerfi eða nýrra. Það eru símarnir iPhone 4s og nýrri, iPad mini og iPad 2 og nýrri. Sumarhúsavörn+ styður öll Android tæki síðustu fjögurra ára sem og mörg sem eru eldri en það.

Hvað er snjalltengi?

Snjalltengi eru millistykki sem sett eru á rafmagnstæki sem viðkomandi vill stjórna, svo sem á ljós, ofn, kaffivél eða sjónvarp sem síðan er stjórnað með appinu. Hægt er að stilla á ýmsa sjálfvirkni á borð við að slökkva og kveikja á ákveðnum tímum eftir að öryggiskerfi hefur verið sett á vörð eða á ákveðnum tímum sólarhringsins.

Internetsamband dettur út, hvað þá?

Kerfið vinnur á GSM og heldur allri öryggisvirkni þó að Internetið sé niðri. Samband við myndavélar gæti hins vegar rofnað.

Þarf ég nettengingu ef ég set Sumarhúsavörn+ í sumarbústaðinn?

Nei, Sumarhúsavörn+ byggir á GSM og 4G kerfi.

Alarm.com, hvað er það?

Alarm.com varð fyrir valinu sem samstarfsaðili Securitas. Þetta bandaríska fyrirtæki þjónar um 6 milljónum heimila og fellur vel að þeim öryggiskröfum og þeirri framtíðarsýn sem Securitas gerir til samstarfsaðila. Kerfið þeirra uppfyllir alla evrópska öryggisstaðla og lög um persónuvernd.

Hvað er innifalið í Sumarhúsavörn+?

Það fer eftir óskum viðskiptavinar, en í grunninn er alltaf öryggiskerfi, tengt stjórnstöð Securitas sem bregst við öllum nauðsynlegum aðstæðum. Innifalið í mánaðargjaldi er App og vefþjónusta á íslensku (eða því tungumáli sem óskað er eftir). Tæknimenn Securitas sjá um uppsetningu á kerfinu og því fylgir að sjálfsögðu ábyrgð. Við kerfið er svo hægt að bæta við búnaði og skynjurum eftir þörfum. Með reglulegu millibili bætast við skemmtilegir og nytsamir valkostir sem einfalda notendum lífið.

Þarf ég að vera tengdur Securitas með Sumarhúsavörn+?

Já, Sumarhúsavörn+ er í grunninn öryggiskerfi með allri þeirri þjónustu sem því fylgir hjá Securitas: stjórnstöð sem er á vakt allan sólarhringinn alla daga ársins og bregst við í samræmi við þau boð sem koma frá kerfinu. Appið er einnig hluti af öryggiskerfinu og þeirri þjónustu sem mánaðargjaldið felur í sér.

Eru hreyfiskynjararnir allir með myndavél ?

Nei, hægt er að hafa hvoru tveggja og velja á milli eftir hentugleika.

Hvað er í grunnpakka?

Grunnpakki Sumarhúsavörn+ samanstendur af:

· Öryggiskerfi

     Beini (router, innifalinn í mánaðargjaldi)

     Lyklaborði/talnaborði

     App og vefviðmót

     Reykskynjara

     Vatnsnema

     Hreyfiskynjara  

     Hurðanema /segulrofa

     Snjalltengi

     Uppsetningu og kennslu

Hvert kerfi er sett upp miðað við þarfir viðkomandi bústaðar og notanda.

Engar niðurstöður fundust fyrir „asdfadsfasdf“
Ástæðan gæti verið að leitarorðið er rangt skrifað eða ekki á skrá.

HAFÐU SAMBAND

Ræddu við ráðgjafa okkar um þá fjölbreyttu möguleika sem Sumarhúsavörn+ býður upp á og hvernig hún getur aukið öryggið og
lífsgæðin á heimilinu. Í sameiningu finnum við lausnina sem hentar þínum aðstæðum.

580 7000

Skeifan 8
108 Reykjavík

INNSKRÁ

Remember My Login